دماغ کو بھرپور طاقت دینے والی اور یاداشت کو بہتر کرنے والی 5 خوراکیں

دماغ کو بھرپور طاقت دینے والی اور یاداشت کو بہتر کرنے والی 5 خوراکیں

بدھ 18 مئی 2022
کراچی ،فریئر روڈ 123karachi.com

آج ہم ایسی 5 خوراکوں کے بارے میں بات کریںگے. جو دماغ کو طاقت بخشتی ہیں یاداشت کو بہتر بناتی ہیں اور سوچنے سمجھنے کی صلاحیت کو بھی بہتر کرتی ہیں.

1: میوہ جات ( Nuts )
ہم بچپن سے سنتے آئے ہیں کہ بادام اور اخروٹ کو بچوں کی خوراک کا حصہ بنانا چاہیئے ، ان سے بچوں کے زہنی ،دماغی سوچنے سمجھنے کی طاقت اور قابلیت میں اضافہ ہوتا ہے، اور اب سائنس نے بھی ثابت کیا ہے کہ اس میں کوئی شک نہیں ہے کہ یہ جو میوہ جات ہوتے ہیں اور خصوصی طور پہ یہ جو اخروٹ ( Walnuts)ہوتے ہیں انکے اندر ایک خاص قسم کا اومیگا 3 فیٹی ایسڈ ہوتا ہے جس کو ہم (ALA)یعنی الفالینولینیک ایسڈ ( Alpha linolenic acid ) یہ الفالینولینیک ایسڈ ہمارے دماغ میں بیٹا املوئیڈ پروٹین (Beta Amyloid Proteins )بننے سے روکتا ہے.یہ وہ پروٹین ہے جو کہ ذہنی مریضوں کے دماغ میں پایا جاتا ہے مثلاجو الزائیمرز کے مریض ہوتے ہیں ، دوسری جانب اخروٹ ہماری خون کی نالیوں اور باقی دل کی بیماریوں کے خلاف بہت اچھا کام کرتا ہے.

2 ہری سبزیاں (Green Vegetables)
ہری سبزیاں بھی ذہنی صحت کے لیئے بہترین ہیں اور با آسانی گھروں میں بنائی جاتی ہیں ، ہری سبزیوں میں شامل وٹامن کے Vitamin K, لوٹین Lutein , فولئیٹ Folate ,بیٹا کاروٹین Beta Carotene ہوتی ہے جو کہ ہماری دماغی صلاحیتوں کو بڑھانے کے لیئے مفید ہوتے ہیں .

3: مچھلی (Fish )
مچھلی کے بارے میں تو مشہور ہے, کہ مچھلی میں پایا جانے والا اومیگا 3 فیٹی ایسڈ (Omega 3 Fatty Acid ) کافی ذیادہ مقدار میں ہوتا ہے، جیسا کہ میں بتا چکا ہوں کہ اومیگا 3 (Beta Amyloid Proteins ) بننے سے روکتا ہے . کچھ لوگ مچھلی کھانے سے گریز کرتے ہیں انکے لیے السی کے بیج ( ٍFalx seeds) اخروٹ (walnuts ) اواکاڈو( Avacado)کا پھل ہے جس میں اومیگا 3 پایا جاتا ہے.

4:بیریز (Berries )
اسٹرابیری میں جو گلابی رنگ ہوتا ہے وہ اس میں پائے جانے والے اجزاء فلاونوئیڈ (Flavonoids ) کی وجہ سے ہے. یہ ہی اجزاء ہیں جن کی مدد سے دماغی صلاحیتوں کو اجاگر کرنے میں مدد ملتی ہے.

5: چائے اور کافی ( Tea & coffee )
سروے سے ثابت ہوا کہ جہاں ذہنی استعمال ذیادہ ہوتا ہے وہاں چائے اور کافی کا استعمال ذیادہ ہوتا ہے
مثال کے طور پہ کسی یونیورسٹی کے ہوسٹل میں یا کسی آفس میں جہاں ڈیزائیننگ اور ریسرچ وغیرہ کا کام کیا جاتا ہو وہاں چائے اور کافی بہت پی جا رہی ہوتی ہے. اس کے مقابلے میں اگر کسی پہلوانوں کے اکھاڑے میں جا کر دیکھیں تو وہ لوگ دودھ لسی کا استعمال زیادہ کرتے ہیں کیونکہ انکو ذہنی نہیں جسمانی صحت درکار ہوتی ہے . چائے اور کافی نہ صرف وقتی طور پر آپ کی ذہنی طاقت کو بڑھاتی ہیں بلکہ دیکھا گیا ہے کہ جو لوگ کافی کا استعمال ذیادہ کرتے ہیں ان میں چیزوں کو سمجھنے کی صلاحیت بڑھ جاتی ہےاور عمر کے ساتھ ساتھ جو سوچنے سمجھنے میں کمی آتی ہے اسکی رفتار کو بھی چائے کافی کم کرتی ہے.

نوٹ : اپنے ڈاکٹر سے مشورہ کریں اگر آپ کو کسی چیز کے استعمال سے الیرجی ہے یا اپکو کوئی چیز موافق نہ آتی ہو .

اپنا تبصرہ بھیجیں